“Мой родны край, цябе люблю я!”...
15.04.202315 красавіка, у чарговы шосты школьны дзень, у нашай школе адбылася гульня-віктарына для вучняў 5-7 класаў “Мой родны край, цябе люблю я!”. Ужо па назве мерапрыемства вучні здагадаліся, што размова будзе ісці пра наш родны край — нашу Беларусь.
Гульня складалася з некалькіх этапаў, заданні якіх былі вельмі рознымі. Гэта і аднаўленне ў памяці гісторыі нашай краіны, і пераклад слоў з рускай мовы на беларускую, і размова пра асаблівасці роднай беларускай мовы. Звярнуліся мы і да вуснай народнай творчасці! На адным з этапаў гульні вучні адгадвалі загадкі, дапаўнялі прыказкі.
Вучні вельмі актыўна ўдзельнічалі ва ўсіх этапах гульні, у чарговы раз даказваючы, што кожны грамадзянін Беларусі — сапраўдны патрыёт!
О.В.Кос, педагог-арганізатар