Дзень роднай мовы!...

Дзень роднай мовы асаблівы для кожнай нацыі, кожнага народа,бо няма народа без мовы, як няма мовы без яго носьбіта. 21 лютага ЮНЕСКА абвясціла Міжнародным днём роднай мовы , каб папярэдзіць знікненне асобных гаворак свету і захаваць моўную разнстайнасць.

Традыцыйна Свята роднай мовы адзначаецца і ў нашай школе. Гэты дзень прайшоў пад дэвізам “Любі, ведай, шануй роднае слова!” Вучні актыўна ўдзельнічалі  ў разнастайных мерапрыемствах. У гэты дзень у школе гучала беларуская мова, пісаліся дыктоўкі, гучалі выказванні беларускіх пісьменнікаў і паэтаў аб роднай мове.

Сярод вучняў 5-8 класаў быў праведзены КВЗ “Любі, ведай,  шануй роднае слова!”. На мерапрыемстве гучалі вершы, прыказкі, прымаўкі, загадкі.

 У фае шолы была арганізавана прэзентацыя кніг пісьменнікаў- юбіляраў ” Да роднага слова крок зрабі”, выстава прадметаў хатняга побыту “Бабуліна хатка”, інфармацыйны стэнд , дзе была размешчана інфармацыя аб роднай мове, а таксама выстава  фоторабот вучняў “Зямля пад белымі крыламі”.  

Настаўнік беларускай мовы і літаратуры Кавальчук І.У.